Беларусь президентлигига собиқ номзод Светлана Тихановская мамлакатда сайловлар қайта ўтказиладиган бўлса, президентликка ўз номзодини қўйишни режалаштирмаётганини маълум қилди, деб хабар беради «Интерфакс».
«Президентликка номзодимни қўйишни режалаштирмаяпман», — дейди Тихановская.
Шунингдек, у Беларусдаги инқирозни бартараф этишга хориж давлатлари аралашмаслиги кераклигини қайд этган. «Ушбу масала мамлакат ичида, бошқалар аралашувисиз ҳал этилиши лозим», — дея таъкидлаган Тихановская.
«Мувофиқлаштирувчи кенгаш айнан шу сабабли тузилган бўлиб, у инқирозни бартараф этиш ва тинчлик музокараларини ўтказишда воситачи ролини бажаради. Бу эса барчамизга янги адолатли ва шаффоф сайловларни ташкиллаштиришимизга ёрдам беради. Барчаси мамлакат ичида ҳал этилиши керак», — дейди Тихановская.
Аввалроқ Беларусь президентлигига номзод Светлана Тихановская Европа Кенгашига видеомурожаат билан чиқиб, Европа етакчиларидан Беларусдаги сайлов натижаларини тан олмасликни сўраганди. Шундан сўнг Европа Иттифоқи давлатлари раҳбарлари Беларусда бўлиб ўтган президентлик сайлови натижаларини тан олмаслиги маълум қилинди. Шунингдек, Евроиттифоқ Беларусь фуқароларига ёрдам бериш учун 53 миллион евро маблағ ажратади.
Мавзуга доир: Беларусда мухолифатнинг мувофиқлаштирувчи кенгаши тузилгани сабабли жиноят иши қўзғатилди
Изоҳ (0)