Алексей Навальний даволанаётган Омск шаҳридаги тез ёрдам шифохонаси шифокорлари уни даволаш учун Германияга жўнатишга рухсат берди. Бу ҳақда Meduza хабар қилди.
Қарор сиёсатчининг рафиқаси ҳам иштирок этган консилиумда қабул қилинган. Хабар қилинишича, Навальний Омскни бир неча соат ичида тарк этади.
Омскдаги шифохона бош шифокорининг ўринбосари Анатолий Калиниченконинг сўзларига кўра, шифокорлар «заҳарланиш тахшисини қатъий истисно қилган».
«Бизнинг ташхисимиз асоратлар билан бирга Навальнийнинг ҳолатини тушунтиради. Аниқланган қандайдир препарат ҳақида маълумотлар тарқалмоқда. Бизда бундай ҳужжат йўқ. Пешобда ва қонда аниқланмаган. Клиник белгилар бу модда билан заҳарланишга мос келмайди», — дея таъкидлаган шифокор.
Шифохона бош шифокори Александр Мураховскийнинг маълум қилишича, Навальнийнинг қони ва пешобида унинг қўлида ва кийимида топилган кимёвий бирикманинг излари аниқланмаган.
Осмклик шифокорлар 21 август, жума куни эрталаб Навальнийни ҳолат барқарор бўлмагани учун Германияга жўнатишга розилик бермаган. Германияда Берлиндаги Charite клиникаси Навальнийни қабул қилишга тайёрлигини билдирган.
Cinema for Peace Foundation ташкилоти Навальнийни Германияга олиб кетиш учун самолёт жўнатган.
Навалнийнинг аҳволи 20 август, пайшанба куни Томск—Москва рейсида парвоз вақтида ёмонлашган. Самолёт Омскка фавқулодда қўнган ва сиёсатчи тез ёрдам машинасида касалхонага олиб кетилган. У комага тушган.
Изоҳ (0)