Тошбақа қуруқликда қолиб, ўлаётган балиқни қутқарди (видео)

Ижтимоий тармоқларда қуруқликда ўлаётган балиқни қутқарган тошбақа видеоси машҳурликка эришди. Бу ҳақда India Today маълум қилади.

Тўққиз сонияли видео Nature ис Лит Twitter аккаунтида жойлаштирилган.

Видеода ҳаракатсиз балиқнинг тош устида ётгани кўринади. Унинг фақат боши сувга тегиб турган. Бир неча сониядан сўнг кичкина тошбақа сузиб келиб, уни сузгичи билан сувга тортади. Ўзи туғилиб ўсган муҳитга тушган балиқ ўзига келиб, сузиб кетади.

https://twitter.com/NaturelsLit/status/1295364082518773765

«Тошбақа ўзининг балиқ дўстини қутқаради», – деб ёзилган видео сарлавҳасида. Twitter фойдаланувчилари «Нинза тошбақалари» мультфильмини эслаб, тошбақани мақтади.

Баъзи обуначилар тошбақа балиқни паққос туширмоқчи бўлган, деб тахмин қилди. «Бу тошбақа аслида балиқни емоқчи бўлган», – деб ёзган бир обуначи. «Менимча, тошбақа балиқни ейишга уринди ва уни адашиб қутқарди», – дея фикр билдирган яна бир фойдаланувчи.