Японияда жойлашган My Cat Yugavara меҳмонхонасидан кечаси ёки кундуз куни ижарага мушук олиш мумкин. Аммо буни истаганлар аввал махсус суҳбатдан ўтиши керак, деб ёзади «Korrespondent.net».
Ушбу хизмат уйида мушук боқишни истаган, лекин бунга тайёр ёки тайёр эмаслигини билмаётганлар учун мўлжалланган.
Дастлаб меҳмонхона ходимлари мижознинг яхши ниятда эканлигига ишонч ҳосил қилиши керак. Бунинг учун мижоздан талаб қилинадигани – суҳбатдан ўтиш. Бундан ташқари мижоз ижарага олинадиган мушук билан махсус кафеда ярим соат давомида вақт ўтказади. Шундан сўнггина мушук мижозга ижарага берилади.
Мушукларни кечки 17:30 да олиб кетиб, эрталаб 09:00 қайтариб олиб келиш керак. Бу вақт давомида мижоз мушукни парвариш қилиши, овқатлантириши ва тозалаши лозим. Ижара нархи тахминан 21 долларни ташкил этади.
Изоҳ (0)