Хитойнинг Чанша шаҳрида жойлашган ресторан ҳукуматнинг озиқ-овқатни тежашга бўлган фикрини қўллаб-қувватлаш ниятида ташриф буюрган мижозларни тарозида ўлчашни бошлади, деб ёзади BBC.
Ресторанга кираверишда иккита катта тарозилар ўрнатилган бўлиб, унга мижозларнинг ўзи ҳақидаги маълумоти киритилади. Шунданг сўнг вазнга мос бўлган меню намойиш этилади.
Бундан ташқари, ресторан ичига «Тежамкор ва тиришқоқ бўлинг, тарелкани бўш қолдиринг» ва «‘Бўш тарелка’ операцияси» деган ёзувлар илинган.
Ресторан ёндашган янги хештег қизғин мунозараларга сабаб бўлиб, Хитой ижтимой тармоғи — Weibo’да 300 миллион марта кўрилган. Натижада ресторан маъмурияти «Бўш тарелка» дастури учун пушаймон эканлигини айтди ва узр сўради.
«Бизнинг ниятимиз, аввало, озиқ-овқат истеъмолини тартибга солиш ва чиқиндиларни камайтириш эди. Биз ҳеч қачон мижозларни тарозида ўлчашга мажбурламаганмиз», — дейилади ресторан баёнотида.
Хитой нима учун озиқ-овқатни тежашни бошлади?
Хитойнинг айрим ҳудудларида икки ойдан буён тинимсиз ёмғир ёғиши натижасида Янцзи дарёси қирғоқларидан тошиб кетди. Ҳукумат икки миллиондан ортиқ одамни мазкур ҳудуддан эвакуация қилди. Тошқиндан асосан шоли етиштириладиган қишлоқ хўжаликлари зарар кўрган. Шунингдек, пандемия ҳам мамлакатда озиқ-овқат таъминотига таъсир кўрсатадиган омиллардан бири бўлди.
Маълумотларга кўра, 2020 йилнинг 11 август куни ХХР раиси Си Цзиньпин мамалакат аҳолисига мурожаатида озиқ-овқатни исроф қимасликка чақирган. Бундан ташқари, у «исрофгарчилик уят, тежамкорлик мақтовга лойиқ» деб таъкидлаган.
Шундан сўнг мамлакат бўйлаб «Бўш тарелка» акцияси бошланди. Ухань озиқ-овқат хизмати ассоциацияси ресторанга ташриф буюрувчиларга озиқ-овқат миқдорини чеклашга чақирди. Муассасалардан айримлари ташриф буюрувчилар сонидан кам бўлган идишлар буюртма қиладиган тизимнинг жорий этилишини сўради. Ҳатто давлат каналлари жуда кўп овқат истеъмол қилаётганини видеога олган блогерларни танқид қилди.
Бутунжаҳон Ёввойи табиат фондининг маълумотларига кўра, 2015 йил Хитойда 17-18 миллион озиқ-овқат чиқиндига чиқарилган.
Изоҳ (0)