Toshbaqa quruqlikda qolib, o‘layotgan baliqni qutqardi (video)

Ijtimoiy tarmoqlarda quruqlikda o‘layotgan baliqni qutqargan toshbaqa videosi mashhurlikka erishdi. Bu haqda India Today ma’lum qiladi.

To‘qqiz soniyali video Nature is Lit Twitter akkauntida joylashtirilgan.

Videoda harakatsiz baliqning tosh ustida yotgani ko‘rinadi. Uning faqat boshi suvga tegib turgan. Bir necha soniyadan so‘ng kichkina toshbaqa suzib kelib, uni suzgichi bilan suvga tortadi. O‘zi tug‘ilib o‘sgan muhitga tushgan baliq o‘ziga kelib, suzib ketadi.

https://twitter.com/NaturelsLit/status/1295364082518773765

“Toshbaqa o‘zining baliq do‘stini qutqaradi”, – deb yozilgan video sarlavhasida. Twitter foydalanuvchilari “Ninza toshbaqalari” multfilmini eslab, toshbaqani maqtadi.

Ba’zi obunachilar toshbaqa baliqni paqqos tushirmoqchi bo‘lgan, deb taxmin qildi. “Bu toshbaqa aslida baliqni yemoqchi bo‘lgan”, – deb yozgan bir obunachi. “Menimcha, toshbaqa baliqni yeyishga urindi va uni adashib qutqardi”, – deya fikr bildirgan yana bir foydalanuvchi.