Россия Рақамли ривожланиш, телекоммуникациялар ва оммавий алоқа вазирлиги хориж фуқароларининг ягона маълумотлар базасига айланиши кутилаётган мигрантларни рўйхатга олиш ва уларни огоҳлантиришга мўлжалланган платформани яратмоқда. Бу ҳақда вазирлик буйруғи лойиҳасига таяниб, «Коммерсантъ» хабар берди.
Тахминларга кўра, идора хорижликларга электрон кўринишда давлат хизматларини кўрсатиш борасида маълумотлар алмашиш имкониятига эга бўлади. Мигрантлар мобил иловадаги шахсий кабинетлари орқали хориждан туриб ҳам тизимдан фойдаланишлари мумкин бўлади.
Ҳужжатда қайд этилишича, тизимни ишга тушириш учун идоралараро ишчи гуруҳ ташкил этилади. Бу борада бош вазири ўринбосари Алексей Оверчук июль охирида тегишли топшириқ берган.
Бунга қадар платформани яратиш билан ИИВ шуғулланган, бироқ эндиликда у Рақамли ривожланиш, телекоммуникациялар ва оммавий алоқа вазирлигига топширилган. Соҳага алоқадор федерал амалдорлардан бирининг сўзларига кўра, бу каби қарор тизим давлат хизматлари портали билан интеграциялашиши лозим бўлиб, унинг ишига «Ростелеком» жавоб беради.
Softline’нинг миллий лойиҳалар бўйича бош директори ўринбосари Андрей Шолоховнинг таъкидлашича, илова мигрантларнинг мамлакат бўйлаб ҳаракатини кузатиш имконини ҳам беради.
Изоҳ (0)