Манчестерда туғилган 23 ёшли Ҳошим Абеди акаси Салмон Абедига 2017 йилда Манчестердаги концерт вақтида портлашни амалга оширишда кўмаклашгани учун 55 йил муддатга озодликдан маҳрум қилиниши мумкин. Бу ҳақда Британиянинг Sky News телеканали хабар қилган.
Терговчилар Ҳошим Абеди акасига бомба ясаш учун керакли буюмларни харид қилган, тўплаган ва олиб келиб берган. У бу ишларни бир нечта телефон, транспорт воситалари ва терактга тайёрланиш учун манзиллар ҳақидаги маълумот асосида амалга оширган.
Ҳошим Абеди Манчестерда туғилган ва шу ерда улғайган. Теракт содир бўлишидан бир ой аввал Ливияга кетган ва портлашдан бир неча соат ўтгач, ҳибсга олиниб, Буюк Британияга экстрадация қилинган.
У Манчестер Аренадаги терактни режалаштиришда иштирок этганини инкор қилган, бироқ қотиллик, одамларни ўлдиришга уриниш ва теракт орқали суиқасд уюштириш фитналарида иштирок этганликда айбланган.
«Гарчи Саломон Абеди теракт содир этишда асосий ишни бажарган бўлса ҳам айбланувчи Ҳошим Абеди ушбу ҳаракатларда бевосита қатнашчи бўлган. Айбланувчи унга нисбатан қўлланиладиган энг енгил жазо ҳам 55 йил муддатга озодликдан маҳрум қилиш эканини яхши тушуниши лозим. У ҳеч қачон озодликка чиқмаслиги ҳам мумкин», – деган ишни кўриб чиқаётган судья Бейкер.
Эслатиб ўтамиз, 2017 йил 22 май куни америкалик хонанда Ариана Гранде концерти вақтида Манчестердаги стадионда портлаш содир бўлган. Теракт оқибатида 22 нафар одам ҳаётдан кўз юмган, 59 киши турли жароҳатлар олган. ИШИД мазкур теракт учун масъулиятни ўз зиммасига олган.
ИШИД экстремистик гуруҳи жаҳоннинг бир қатор мамлакатлари ва халқаро ташкилотлар томонидан «террорчилик ташкилоти» деб топилган.
Изоҳ (0)