КХДР раҳбари Ким Чен Ин ўз ваколатларининг бир қисмини синглиси Ким Ё Чжонга берди ва уни мамлакат ҳукуматидаги иккинчи одамга айлантирди, шунингдек, бир гуруҳ бошқа амалдорларга янги ваколатлар берилган. Бу ҳақда Жанубий Корея разведкаси миллий агентлиги хабар қилган.
Yonhap агентлигининг разведка идоралари ахбороти асосида тарқатган хабарига кўра, Шимолий Корея Меҳнат партияси марказий кенгашида ташкилий-назорат бошқармаси бошлиғининг биринчи ўринбосари лавозимидаги Ким Ё Чжон энди Пхеняннинг Сеул ҳамда Вашингтон билан муносабатларига шахсан масъул бўлади. Ахборотда унинг Ким Чен Ин ҳукуматдан кетганидан сўнг мамлакат раҳбари бўлиши қайд этилган.
Яна икки нафар юқори мартабали амалдорларга иқтисодиётни бошқариш юклатилган бўлса, икки нафар ҳарбий аввал Ким Чен Ин назорат қилган мудофаа масалаларига бир қисмига раҳбарлик қилиш ишониб топширилган.
Шимолий Корея ОАВ маълумотларига кўра, ўзгаришлар юз бергани ҳақида Ким Чен Ин КХДР Меҳнат партияси ялпи мажлисида Ким Чен Иннинг ўзи «мамлакат кутилмаган ва олдини олиш имконсиз қийинчиликларга дуч келгани» ва «халқ турмуш шароитини яхшилаш ишларида узилишлар кузатилаётганини» қайд этган.
КХДР марказий телеграф агентлигининг ёзишича, Меҳнат партияси марказий кенгаши ялпи мажлисида партиянинг навбатдаги қурултойи 2021 йилда чақирилиши маълум қилинган.
Аввалги қурултой 2016 йилда ўтказилганди. Форумда 1980 йилдан бери илк бори иқтисодиётни ривожлантириш бўйича беш йиллик режа тасдиқланган. КХДР раиси Ким Чен Ин мамлакат суверенитетига ярдо қуроли воситасида таъсир кўрсатилмаса у ҳолда давлат ҳам ушбу қуролдан фойдаланмаслиги ҳақида ваъда берган.
Мавзуга доир: ОАВ: Ким Чен Ин КХДР аҳолисига ит боқишни тақиқлади
Изоҳ (0)