АҚШ давлат котиби Майкл Помпео Вашингтон ташаббуси билан Теҳронга қарши санкцияларнинг қайта тикланиши ҳақида БМТ хавфсизлик кенгашига маълум қилди. Бу ҳақда Associated Press хабар берган.
Помпео БМТ хавфсизлик кенгаши раиси Индонезия вакили Диану Жанига юборган мурожаатда Эроннинг ядро келишуви шартларига риоя қилмаётгани қайд этилган.
Аввалроқ АҚШ президенти Дональд Трамп журналистларга давлат департаментига БМТ хавфсизлик кенгашини ушбу ташаббус ҳақида хабар бериш юзасидан топшириқ киритганини айтганди.
АҚШ давлат департаменти ушбу гапларнинг мантиқий давоми сифатида БМТ хавфсизлик кенгашига хабарнома киритди, энди БМТ 30 кундан кейин бир қатор санкцияларни қайта тиклайди. Хусусан, Эроннинг уранни бойитиш йўналишидаги фаолиятига тақиқлар қўйилади, шунингдек мамлакатга қурол-яроғ етказиш борасидаги 13 йилдан бери амал қилаётган эмбарго яна узайтирилади.
Аввал БМТ хавфсизлик кенгаши овоз бериш натижаларига кўра АҚШнинг Эронга қурол сотмаслик бўйича эмбаргони узайтириш тўғрисидаги резолюциясини рад этганди. Лойиҳани АҚШ ҳамда Доминикан республикаси қўллаб-қувватлаган, Россий ва Хитой эса бунга қарши чиққан. Яна 11 та иштирокчи давлатлар бетараф позицияда қолган. Овоз бериш натижаларидан кейин Вашингтон Эронга қурол сотмаслик ҳақидаги эмбаргони узайтириш юзасидан ҳаракатларини давом эттиришини билдирган.
БМТ хавфсизлик кенгашининг 2015 йил уиюль ойида қабул қилинган 2231-сон резолюциясига мувофиқ, тасдиқланган қўшма режага кўра Эрондаги ядро муаммосини ҳал этиш ва мамлакатга қурол сотмаслик эмбаргоси муддати 2020 йил 18 октябрда тугайди.
23 июль куни кечаси АҚШнинг Ф-15 қирувчи самолёти Теҳрон—Байрут йўналиши бўйича учаётган Mahan Air авиакомпаниясига тегишли йўловчи самолётига яқинлашган. Тўқнашувдан қочиш мақсадида йўловчи самолёти зудлик билан баландликни ўзгартирган. Тезкор амалга оширилган манёврлар сабаб бир неча йўловчига жароҳат етган. Натижада самолёт Байрутга қўнганди.АҚШ Қуролли кучлари марказий қўмондонлиги Ф-15 қирувчи самолёти Сурия узра парвоз қилган Mahan Air авиакомпаниясига тегишли йўловчи самолётга хавфсиз масофада — 1000 метр узоқликда яқинлашганини маълум қилган. кейинчалик Эрон АҚШнинг Ф-15 қирувчи самолёти Сурия осмонида парвоз қилган Mahan Air авиакомпаниясига тегишли йўловчи самолётга яқинлашиб, унинг йўналишини ўзгартиришга мажбур қилгани учун жавоб чоралари кўрилиши ҳақида огоҳлантирганди.
Изоҳ (0)