Саримсоқ ва томат соуси қўшиб гўштли рулет пиширамиз

Ушбу таом кечки овқат учун яхши вариант.

Қуйидаги маҳсулотлар керак бўлади:

• Мол ёки товуқ гўшти — 500 гр
• Томат соуси — 25 гр
• Петрушка
• Саримсоқ пиёз
• Ўсимлик ёғи —  20 ош қошиқ
• Сариёғ — 10 гр
• Туз, мурч — таъбга кўра
• Сув — 50 мл

• Соус тайёрлаб олинг: бунинг учун бир ош қошиқ ўсимлик ёғи солинган товага сариёғ солиб эритинг, томат қўшинг.
• Майда тўғралган саримсоқ ва петрушкани солиб аралаштиринг.
• Туз ва мурч сепинг, 1-2 дақиқадан кейин оловни ўчиринг.
• Хоҳишингизга қараб бўлакларга бўлинган гўштни, уриб юпқа ҳолга келтиринг.
• Икки томонига ҳам соус суртинг.
• Гўштни рулет кўринишида ўраб, махсус чўп билан маҳкамланг.
• 1 ош қошиқ ёғ солинган товага рулетларни териб 1-2 дақиқа қовуринг.
• Печ учун мўлжалланган идишга рулетларни теринг, сув солинг ва идиш устини зарли қандолат қоғози билан ёпинг.
• 180 даража қизиган печда 50 дақиқа давомида пишириб олинг.
• Таомга гарнир сифатида гуруч ёки пюре қўшиб истеъмол қилса бўлади.