Кундалик турмушда биз учун одатий бўлиб қолган одатлар саломатлик шунингдек ташқи кўринишга ҳам таъсир ўтказмай қолмайди. «Домашний Очаг» қайси зарарли одатлар ёшга нисбатан катта кўринишга сабаб бўлиши билан бўлишади.
Қуёш нуридан ҳимоя қилувчи воситалардан фойдаланмаслик
Тери гўзаллиги узоқ вақт гўзаллик ва саломатлигини йўқотмаслиги учун қуёш нуридан ҳимоя қилувчи воситалардан фойдаланиш муҳим саналади. Қуёш нуридан нафақат соҳилда, балки бир соатга кўчага чиққанда ҳам фойдаланиш керак. Гап шундаки, ҳатто оз миқдордаги ультрабинафша нури ҳам юз ва терига салбий таъсир кўрсатади. SPF кремлардан фойдаланмайдиган аёллар тенгдошларига нисбатан 24 фоиз катта кўринади.
Кам ухлаш
Уйқунинг чала бўлиши иммунитет пасайиши билан боғлиқ касалликлар, вазн ортиши ва тери ҳолатининг сўлғин кўринишига олиб келади. Тунги уйқу вақтида бутун тана аъзолари хусусан тери ҳам қайта тикланади, кам уйқу эса акс таъсир кўрсатади, организм дам олмайди. Юзда ажинлар кам бўлиши, тери таранглиги йўқолмаслигини истасангиз, уйқу меъёрда бўлишига эътибор беринг.
Сабзавот ва меваларни кам миқдорда истеъмол қилиш
Статистика маълумотларига кўра, 70 фоиз, 80 фоиз катта ёшли киши етарли миқдорда сабзавот ва мева истеъмол қилмайди. Рационда ушбу маҳсулотларнинг бўлмаслиги тери ҳолати ва саломатлигига таъсир этмай қолмайди. Гап шундаки, мева ва сабзавотлар тери ҳужайралари саломатлигини таъминловчи антиоксидантларнинг манбайи ҳисобланади. Аёл киши кунига 5 порция мева ва сабзавот истеъмол қилиши керак.
Кўп шакар истеъмол қилиш
Ширинлик ва углеводлар нафақат вазн ортиши, балки терида турли муаммолар пайдо бўлишига ҳам олиб келиши мумкин. Масалан, қонда қанд миқдорининг ортиши яллиғланиш жараёнлари ва юзда ҳуснбузарлар тошишини келтириб чиқаради ҳамда терининг таранг ва ёш кўринишида аҳамиятли бўлган коллагенга салбий таъсир кўрсатади.
Чекиш
Чекиш фақат ўпкага зарар деб ўйлаганлар қаттиқ янглишади — ушбу зарарли одат бутун организм, хусусан, тери ҳолатининг ҳам ёмонлашишига сабаб бўлади. 79 эгизак жуфлик иштирок этган тадқиқотда аниқланишича, чекувчи инсонлар, кўз атрофидаги тери аҳволи ёмонроқ ва ажинлар сони кўпроқ экани ва улар чекмайдиган, тўғри ҳаёт тарзига амал қиладиган эгизакларига нисбатан 5 ёш каттароқ кўринади.
Спиртли ичимлик
Спиртли ичимлик зарарлиги ҳамма билган, шунга қарамасдан оқибати яхшилик билан тугамаслиги аниқ бўлгани учун ҳам таъкидлашдан тўхтамаслик керак бўлган факт. Алкогол теридаги антиоксидантлар миқдорини камайтиради ва ажинлар кўпайиши ҳамда сувсизланишга олиб келади.
Гўзалликка ошнолар учун:
Мода ва трендларга қизиқувчилар учун:
Изоҳ (0)