Сув баланси инсон саломатлиги учун муҳим саналади ва шу сабаб ҳам кунига тахминан икки литр сув ичиш тавсия қилинади. Кофе, чой, ва бошқа ичимликлар эса организм учун муҳим бўлган суюқликни қоплаш хусусиятига эга эмас. Сув ичишда қанча ичиш эмас, балки қандай ва қайси вақтда ичиш аҳамиятлидир. Максимал даражада фойда бўлиши учун сувни овқатдан аввал ва кейин истеъмол қилиш керак ва бу одат саломатликка ижобий таъсир кўрсатади. Таом ейиш давомида ичилса қандай оқибатларга олиб келади? Harper’s Bazaar ушбу саволга жавоб беради.
Таомни меъёридан кўп истеъмол қилишингиз мумкин
Агар сизга истеъмол қилинган калория ва таом порцияси миқдори эмас, очлик ҳиссини қондириш муҳимроқ бўлса, унда овқат вақти сув ичиш тавсия қилинмайди. Чунки сув ичганда ёлғон тўқлик ҳисси пайдо бўлиши ва шу сабаб аввалига камроқ кейин бўлса, одатдагидан ҳам кўпроқ таом истеъмол қилишингиз мумкин.
Овқат ҳазм қилиш ёмонлашади
Сув, ошқозон ва ичаклар ҳазм тизимининг тўғри фаолиятини таъминлайди. Аммо овқатдан аввал ёки кейин истеъмол қилинган ва илиқ сувгина саломатлик учун фойдали ҳисобланади. Бунинг сабаби сув ичилганидан кейин организм уни ўзининг ҳароратига келтирилиши кераклиги ва бу энергия талаб қилиши билан боғлиқ. Бир стакан совуқ сув ичилганида, организм уни иситиш учун захирадаги энергияни сарфлашига тўғри келади ва бунинг оқибатида ҳазм қилишда қийинчиликлар юзага келиши мумкин. Шу сабаб ҳам муз бўлаги солинган сув ичиш тавсия қилинмайди.
Баъзи ичимликлар ошқозоннинг кислотали муҳитига салбий таъсир қилиши мумкин
Спиртли ичимлик, газланган сув ва табиий бўлмаган ичимликлар зарарли экани маълум ва бу ошқозондаги кислота билан боғлиқ. Кислота ҳазм қилишда иштирок этади. Таркибида кислота кўп бўлган ичимликларни истеъмол қилиш эса ошқозон-ичак ҳазм тизимини ёмонлашиши оқибатда ичаклар зўриқишига олиб келиши мумкин.
Нима қилиш керак?
Сувни таомдан аввал ичинг, бу орқали сиз керагидан ортиқ таом емаслик, шунингдек, таом вақти тўйдингизми ёки йўқ объектив баҳолашга муваффақ бўласиз.
Бир-икки қултум сув ичган билан, саломатлик ёмонлашиб қолмаслиги мумкин, асосийси организм ҳолатига қулоқ солинг, қандай реакция берадиган бўлса, шундан келиб чиққан ҳолда ёндашиш кераклиги, организм ва саломатлик индивидуал эканини унутманг.
Изоҳ (0)