Ёз ва жазирамада иссиқ ҳарорат ҳисобига юракда зўриқиш, гипертониклар ва юрак ишемияси касаллигига чалинганларда безовталик кузатилиши мумкин. «Домашний очаг» шифокор маслаҳатларига асосланиб, иссиқда нималарга амал қилиш кераклиги билан бўлишди.
Умумий тавсия
- Кундузги соат 12:00 ва 16:00 оралиғида кўчага чиқманг. Чиққан тақдирингизда ҳам сояда юришга ҳаракат қилинг.
- Табиий ва ёрқин матодан тикилган либосларни кийинг.
- Ёқаси бўйинни қисадиган, камарли ва ёпишиб турадиган кийимларни кийиш тавсия қилинмайди.
- Гўшт ва ҳайвон ёғи, тузни камроқ; сутли маҳсулотлар, кўкатларни кўпроқ истеъмол қилинг.
- Кўпроқ суюқлик истеъмол қилинг. Газланган сувлардан воз кечинг, кўк ёки шифобахш ўтлардан тайёрланган, лимон ва муз қўшилган чой энг яхши вариант.
- Кун исиб кетганда сув пуркагичдан фойдаланишингиз мумкин, фақат бунда илиқ ва совуқ сувни аралаштириш тавсия қилинади.
- Юрак касаллиги безовта қиладиганлар учун эса кўп суюқлик ичиш тавсия қилинмайди. Юрак ишемияси ташхиси қўйилганлар кунига 800 млдан ортиқ суюқлик истеъмол қилмаслиги керак. Организмда суюқликнинг ҳаракатланмасдан турғун қолиши артериал қон босимнинг ошишига олиб келади.
- Шифокор билан маслаҳатлашинг — дори воситаларини дозасини ошириш, сийдик ҳайдовчи дармонларни камайтириш керак ёки йўқлиги ҳақида аниқ маълумотга эга бўлинг.
- Қуёшдан ҳимояловчи кўзойнак тақинг. Кўз мушакларининг зўриқиши томирлар спазмига олиб келиши мумкин.
- Қуритилган ўрик, майиз, банан, гречка, ловия ва юрак фаолияти учун муҳим бўлган калий ҳамда магнийга бой бошқа маҳсулотларни истеъмол қилинг.
- Чекмасликка ҳаракат қилинг. Никотин кислороднинг қонга сингишига тўсқинлик қилади.
- Ёнингизда қон-томирлардаги спазмни бартараф қиладиган «Но-шпа» (аммо қон босимни туширишини ҳам инобатга олинг), миядаги нейронларни яхшилайдиган «Глицин» ва томирлардаги зўриқишни бартараф қиладиган «Карвалол» ёки «Валокардин» олиб юринг.
- Унутманг, жазирама иссиқда қуёш остида ишлаш нафақат юрагида муаммоси бор, балки соғлом одамлар учун ҳам хавфли. Пастга эгилиб ишлаш қон босим ошиши ва инсультга сабаб бўлиши мумкин. Ишлаган тақдирингизда ҳам 30 дақиқа ишлаб, 15 дақиқа дам олинг, бошингизга қуёшдан ҳимоялайдиган кепка ёки шляпа кийишни ҳам унутманг.
- Иссиқхона, полиз ва далада ишлайдиганлар ёнида ҳар эҳтимолга қарши шахсий дорилар қутисини олиб юриш, унга қон босимни туширадиган препаратлар ва шифокор томонидан тавсия қилинган дориларни солиб қўйинг.
Энга аввало, аҳволи ёмонлашган одамни сояга ўтказиш, юз ва кўкрак қафасига сув пуркаш керак. Кийим ёқаси ва камарини бўшатинг. Агар кўкрак қафасида оғриқ ва юрак оғирлашгани сезилса, тил остига «Нитроглицерин» ташлаш ва зудлик билан шифокорга мурожаат қилиш керак бўлади.
Изоҳ (0)