Бир финжон қаҳва бош оғриғи, уйқусизлик ва яна бошқа бир қанча муаммоларнинг ечими бўлиши мумкин. Қаҳва ичилмаса, организмда қандай ўзгаришлар юз беради? Harper’s Bazaar ушбу саволга жавоб беради.
Бош оғриғи ва асабийлик кузатилади
Қаҳва ичишга ўрганиб қолган инсонлар ушбу одатни ташлаш қийин эканини яхши билади. Кофеин қабул қилишга ўрганиб қолган организмда унинг етишмовчилигидан бош оғриғи ва асабийлик кузатилиши мумкин. Осон бўлмаган ушбу психологик жараёнда юз берадиган эмоционал ўзгаришлар яқинлар билан бўладиган муносабатларда ҳам ўз аксини кўрсатмай қолмайди.
Доимий чарчоқ сезилади
Қаҳва ташлашга уринаётган инсонда аввалгидек қувноқлик ва хушкайфиятлилик кузатилмаслиги мумкин. Кофеин, аденозин рецепторларига таъсир қилиб, тушкунликнинг олдини олади. Лекин организм ўзи ўрганиб қолган миқдорда севимли ичимлигини қабул қилмай қўйганидан кейин чарчоқ намоён бўлишни бошлайди ва одам ўзини лоҳас ҳис қилади.
Ҳазм жараёнида муаммолар кузатилади
Кофеин ҳазм жараёнини сезиларли даражада яхшилаш хусусиятига эга ҳисобланади. Қаҳвадан воз кечиш эса ушбу муҳим жараёнда муаммолар кузатилишига сабаб бўлиши мумкин. Қаҳва ичмасликка қатъий қарор қилганларга эса энергия берадиган табиий маҳсулотларга эътибор қаратиш ва сув баланси ҳамда фаол ҳаёт тарзига амал қилиш тавсия қилинади.
Спорт билан шуғулланишга куч қолмайди
Қаҳва ташлаётган инсонларда спорт машқларини бажариш учун куч топа олмаслик ҳам кузатилиши мумкин. Бунга юқорида таъкидланган ҳолсизлик ва асабийлик сабаб бўлади. Шунинг учун яхшиси, қаҳва ичишни ташламанг.
Иштаҳангиз аввалгидан ҳам карнай бўлади
Вазн ва қаҳва ичишни бир вақтда ташлаб бўлмайди. Чунки қаҳва ичмай қўйган одамнинг иштаҳаси олдингидан ҳам яхшироқ бўлади, доимий равишда очлик ҳисси безовта қилади. Қаҳва авваллари ўз хусусияти билан иштаҳа очишига ўрганиб қолган организм кейинчалик ҳам талаб қилишда давом этади.
Изоҳ (0)