Ҳомиладорлик даврида йўтал ва томоқ оғриғи пайдо бўлса, истеъмол қилинган музқаймоқ ёки муздек шарбат ҳақида ўйлаб ўтиришдан фойда йўқ. Зудлик билан касалликни бартараф этиш ишларини бошлаш керак.
Фарзанд кутаётган оналар учун энг биринчи маслаҳат, шамоллаб қолганда дарҳол шифокор кўригига бориш зарур. Йўталнинг кучайиши ёки бронхит каби касалликнинг жиддийлашишини кутиб, вазиятни оғирлаштириш фарзанд ҳаёти учун хавф туғдиради. Организмда юз бераётган асоратларга кўра тавсия этиладиган дори воситаларни қабул қилиш лозим.
Шифокорнинг тавсиясисиз ўзбошимчалик билан дорихонадан дори сотиб олишга шошилмаган маъқул. Бундай вақтда фақатгина ялпиз таъмли оғриқ қолдирувчи леденслар (шимилувчи таблеткалар)ни қўллаш мумкин. Бундан бошқа барча дори воситалари – таблетка, сироп, спрейлардан фойдаланишни тўхтатиш зарур, гарчи ҳомиладорлик давригача унумли фойдаланилган бўлса ҳам. Маълумки, бу даврда жуда кўп нарса салбий таъсир кўрсатиши мумкин, она ва болага зарар бермаслик учун шифокор кўригидан ўтиш керак.
Хўш, ҳомиладорлик даврида дори востиларисиз, табиий уй шароитида қандай қилиб томоқ оғриғини даволаш мумкин, деган савол пайдо бўлгандир. Бунинг учун халқ табобатига мурожаат қилган яхши.
Мойчечак. Оғизни чайиш учун мойчечак ўтидан тайёрланган дамлама ёрдам беради. Ушбу гиёҳни ҳамма дорихонлардан топиш мумкин. Томоқ оғриғи мунтазам ёки аллергик касаллик бўлмаса, унинг енгил шаклида яллиғланишнинг олдини олади ва томоқ оғриғини бартараф этади.
Асал. Самарали халқ табобатининг энг ноёб маҳсулоти. Бир стакан илиқ сутга асал солиб ичилади ёки 500 мл сувга ичимлик содаси ва бир чой қошиқ асал солиб, томоқ кун мобайнида 3-4 марта чайилади.
Лимон шарбати ва асал. Идишга бир чой қошиқ асал, яримта лимон ва қайнаган сув солиб ичилади.
Иссиқ ичимликлар. Сут, асал ва сариёғ яхшилаб аралаштирилади ёки турли гиёҳлардан тайёрланган иссиқ чойни резавор мевалар мураббоси билан қабул қилиш тавсия этилади. Бу она ва болани ўзини яхши ҳис қилишида ёрдам беради. Лекин хантал пластинкаларидан фойдаланишдан аввал, албатта, мутахассислардан керакли маълумотларни олган афзал.
Ҳомиладорлик даврида томоқ оғриғи ва яллиғланишнинг хавфсиз ҳолда даволаш услуби шундан иборат. Аммо иложи борича бўлажак оналар ўзларини асраши ва бетобланган вақтда ҳам икки кишини ҳаётини хавфга қўймаслик учун ҳам шифокорлар кўригидан ўтиши муҳим.
Мавзуга доир:
Изоҳ (0)