Футбол бўйича ёшлар ўртасидаги U-19 Осиё чемпионатининг 2020 йилги мусобақасига Ўзбекистон мезбонлик қилади.
Мусобақа 14—31 октябрь кунлари бўлиб ўтади. Учрашувлар учта шаҳардаги бешта стадионда ўтказилади:
- Тошкент шаҳридаги «Бунёдкор», «Локомотив» ва «Пахтакор» стадионларида;
- Наманган шаҳридаги «Навбаҳор» стадионида;
- Олмалиқ шаҳридаги «ОКМК» ўйингоҳида.
Эслатиб ўтамиз, U-19 Осиё чемпионатида жами 16 мамлакатнинг ёшлар терма жамоалари иштирок этади. Ўзбекистон «А» гуруҳида Эрон, Индонезия ва Камбожа билан куч синашади.
Мазкур мусобақа 2021 йили Индонезияда бўлиб ўтадиган U-20 Жаҳон чемпионатига саралаш вазифасини ҳам ўтайди. Унга кўра, Ўзбекистонда ўтадиган мусобақанинг ярим финалчилари Жаҳон чемпионатига йўлланма олади.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)