«Реал» молиявий муаммоларга дуч келган ва футболчиларини сота олмаса янги харидлар қила олмайди.
Жамоа Чемпионлар Лигасидан чиқиб кетгач, мадридликлар бош директори Хосе Анхель Санчес ўйинчилар билан учрашув ўтказган.
Мажлисда Еврокубоклардаги муваффақиятсизликка қарамай раҳбарият жамоанинг 2019/20 йилги натижаларидан қониққани футболчиларга етказилган.
Масалан, молиявий қийинчиликлар боис «Реал» ПСЖдан Алфонс Ареоляни сотиб олиш функциясини фаоллаштира олмагани тушунтирилган.
Кейинчалик менежер агар айрим футболчилар жамоани тарк этмаса, янги харидлар амалга оширилмаслигини айтган. Коронавирус пандемияси клубнинг молиявий ҳолатига салбий таъсир қилган.
Шу тариқа мадридликлар ўтган мавсум ижарага бериб юборган бир қатор футболчилари орқалигина таркибда ўзгариш қилиши мумкин. Гап ярим ҳимоячилар Мартин Эдегор ва Дани Себальос, шунингдек, дарвозабон Андрей Лунин ҳақида кетмоқда.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)