Турли хил сабзавотларни ўзида жамлаган, енгил ҳазм бўлувчи кукси таомномангизни яна бир рецепт билан бойитади.
Бунинг учун қуйидаги маҳсулотлар керак бўлади:- 300 гр мол гўшти;
- 2 дона товуқ тухуми;
- 100 гр редиска;
- 300 гр бодринг;
- 2 дона саримсоқ пиёз;
- 200 гр оқ карам;
- 50 гр кинза;
- 300 гр угра ош (лапша);
- 100 мл ўсимлик ёғи;
- 1 л сув;
- Таъбга кўра соя соуси, сирка, кайен қалампири, майда қора қалампир, шакар, туз.
- Гўштни ингичка бўлакларга кесиб олинг ва икки дақиқа қиздирилган товадаги ўсимлик ёғида қовуринг.
- Гўштга майда тўғралган карам, туз, қора қалампир ва кайен қалампирини қўшинг ва яхшилаб аралаштиринг. Оловни пасайтириб, яна 10 дақиқа давомида пиширинг. Товани оловдан олиб, ичидагини алоҳида идишга олинг ва совишини кутинг.
- Угра ошни тузланган сувда қайнатиб олиб, совуқ сувда ювинг. Угра бир-бирига ёпишмаслиги учун ўсимлик ёғи билан аралаштиринг.
- Редиска ва бодрингларни тўғранг. Саримсоқ пиёз ва кинзани майдаланг, соя соуси, туз қалампир ва ўсимлик ёғи билан ҳаммасини аралаштиринг.
- Иккита тухумга бир чимдим туз ва икки ош қошиқ сув қўшиб, аралашмадан бир нечта ингичка омлет қовуринг. Омлетлар совушини кутинг, уларни ўраб олинг ва ингичка угра шаклида кесинг.
- Музли сувга тўрт ош қошиқ соя соуси, бир ош қошиқ шакар, бир ош қошиқ туз, икки ош қошиқ сирка қўшиб, яхшилаб аралаштиринг.
- Тайёр бўлган карамли гўшт, тўғралган омлет, угра оши ва сабзавотли салатни идишларга териб, устига сув, соя соуси ва сирка аралашмаси билан дастурхонга тортинг.
Ёқимли иштаҳа!
Изоҳ (0)