Хамирли таомларни рациондан чиқарганлар учун ажойиб қовоқчали пицца рецепти!
Керакли маҳсулотлар:
- Қовоқча (кабачки) – 1 кг;
- Сут – ¼ стакан;
- Пиёз, саримсоқпиёз, кўкат – таъбга кўра;
- Помидор – 3 дона;
- Тухум – 2 дона;
- Товуқ филеси – 1 бўлак;
- Сабзи – 1 дона;
- Ун – 50 гр;
- Қаттиқ пишлоқ – 50 гр.
- Тухумлар санчқи ёрдамида енгил аралаштирилади. Қовоқчалар ўртача қалинликда паррак қилиб кесилади, аввал тухумга сўнг унга ботирилади. Қизиган ёғда ҳар икки томони қизартирилиб пиширилади. Тайёр бўлган қовоқчалар ёғини шимдириб олиш учун қоғоз сочиққа ёйиб чиқилади. Сабзи ўта майда бўлмаган қирғичдан ўтказилади. Саримсоқпиёз эса қирғичнинг энг майда қисмидан чиқарилади. Помидор паррак ва пиёз ярим паррак ҳолда кесилади.
- Қолип ёғланиб, қовоқчалар икки қават, устма-уст ҳолда жойлаштириб чиқилади. Устидан юпқа кесилиб, пишириб олинган товуқ филеси терилади. Гўштнинг устидан пиёз ва сабзи, устидан помидор ва охирида саримсоқ солинади.
- Парҳезбоп товуқ гўштидан тайёрланадиган қовоқчали пицца юзасига қирғичдан ўтказилган пишлоқ сепилади ва тухум солинган сут қуйилади. Кўкатлар, зираворлар сепилиб, қиздирилган печга қўйилади. Токи пишлоқ эригунча печда пиширилади.
Изоҳ (0)