Mazkur sho‘rva yoqimli ta’mga ega, yengil hazm bo‘luvchi taom hisoblanadi. Uni quritilgan non va ko‘katlar bilan bezab, dasturxonga tortsangiz, yanada ishtaha ochadi.

Foto: Lifehacker

Kerakli mahsulotlar:

  • 1 litr tovuq sho‘rva
  • 100-150 gramm eritilgan pishloq
  • 2-3 dona kartoshka
  • 2 dona patisson (kulchaqovoq)
  • 1 dona piyoz
  • 1-2 osh qoshiq sariyog‘
  • Ta’bga ko‘ra tuz, mayda qora qalampir, qotgan non va shivit.

Tayyorlanish jarayoni:

  • Sho‘rvani qaynatib oling, unga pishloq qo‘shib, to‘liq eriguncha aralashtiring.
  • Idishga kichik hajmda to‘g‘ralgan kartoshkalar va patissonlarni soling. Ularni yana 15-20 daqiqa olovda qoldiring.
  • Piyozni maydalab, 5-7 daqiqa davomida sariyog‘ bilan qovuring.
  • Qovurilgan piyozga tuz va qalampirni qo‘shib, sho‘rvaga soling. Yaxshilab aralashtiring.
  • 2-3 daqiqadan so‘ng sho‘rvani idishlarga quyib, shivit va qotgan non bilan dasturxonga torting.

Yoqimli ishtaha!