«Менинг фикрим» жамоавий мурожаатлар порталига Тошкент шаҳрида светафорларнинг ишлаш вақтини яна икки соатга узайтириш юзасидан петиция жойлаштирилди.
«Республикамизда автомобиллар сони кун сайин кўпайиб бораётганини ҳисобга олган ҳолда Тошкент шаҳрида светофорлар ишлаш вақтини узайтиришни таклиф этаман. Шаҳарнинг айрим қисмларида светофорлар соат 23:00 дан кейин ишлашдан тўхтайди, тўғрироғи, фақат сариқ чироқ ёниб туради. Лекин асосий масала шундаки, ҳозирги кунда аҳолининг автомобилда ҳаракатланиш вақти ҳам сезиларли равишда узайган, ҳатто, карантин вақтида ҳам соат 00:00 ва 01:00 ларда шаҳримизнинг кўплаб қисмларида автомобилларнинг ҳаракати етарлича кўп.
Турли бахтсиз ҳодисаларни олдини олиш учун светофорларнинг ишлаш вақтини 2 соатга узайтиришни таклиф этаман. Яъни, светофорлар 23:00 дан эмас, 01:00 дан ишлашни тўхташи керак», – дейилади Қобилжон Раҳимжонов исмли фуқаро томонидан билдирилган мурожаатда.
Петиция 2020 йил 26 июнда порталга юкланган ва овоз бериш жараёни яна деярли уч ой давом этади. Ҳозирча ушбу таклифни ёқлаб овоз берганлар, унга қарши чиққанлар сони у қадар кўп эмас.
Мавзуга доир:
- Ўзбекистонда суғурта муддати ўтган ёки техник кўрикдан ўтмаган автомобилларни жарима майдончасига жойлаштирмаслик таклиф этилди
- Ўзбекистонда юридик шахсларнинг автомобиль ҳайдашда малака ошириш талабини бекор қилиш таклиф этилди
- Ҳокимларни сайлаш ҳақидаги петиция 10 мингдан ортиқ овоз тўплади. Энди у парламент томонидан кўриб чиқилиши керак
- Ўзбекистонда тўйларни 30 кишилик тартибда ўтказишни доимий сақлаб қолиш таклиф қилинди
Изоҳ (0)