Америкада Менни Хошбин исмли кўчмас мулк агенти бирданига бешта Mercedes-Benz SLR McLaren сотиб олди. Иш вақтининг тиғизлиги сабаб бизнесмен суперкарларини сотиб олганидан уч ой ўтганидан кейингина ҳайдаб кўришга вақт топган ва у бирданига бештасини синовдан ўтказишга қарор қилган, деб хабар беради Motor.
Бизнесмен автопаркини купе кузовидаги учта Mercedes-Benz SLR McLaren ҳамда иккита родстер тўлдирган. Хошбин биринчи бўлиб оқ купени ҳайдаб кўрган, бироқ унинг моторини ўт олдириш осон кечмаган — барча суперкарларнинг калитларини синаб кўриб, мос келадиганини қидиришга тўғри келган.
Хошбиннинг айтишича, у ҳар икки ҳафтада бир маротаба икки эшикли машиналарнинг ҳар бирида камида икки мил (уч километрдан ортиқроқ) йўл босиш ниятида. Унинг сўзларига кўра, бу каби «жадвал»ни унга Mercedes-Benz дилери агрегатларнинг яхши ишлашини сақлаб қолиш мақсадида тавсия қилган.
Шунингдек, америкалик бизнесменнинг коллекциясидан иккита Bugatti Veyron, бир нечта McLaren, Rolls-Royce, Porsche Carrera GT моделлари, Хошбин буюртмасига кўра, яратилган Pagani Huayra спорткари ҳамда кузов деталлари 24 қиротли олтиндан ишланган Koenigsegg Agera RS Phoenix мавжуд. Ҳашаматли «европаликлар» орасида битта Америка модели ҳам бор — Tesla Модель Х электрокари.
Изоҳ (0)