Американинг So Flo Jeeps фирмаси Jeep Gladiator’ни 38 дюймли ғилдираклар ва қизил «кўзли»-фараларга эга «махлуқ»қа айлантирди. Қора ранг ва тўлиқ қайта ишланган олд қисм пикапни янада важоҳатли кўрсатади, деб хабар беради Motor.
Лойиҳа муаллифларининг сўзларига кўра, Gladiator-«махлуқ» узайтирилган асосга эга, ғилдираклари 6х6, йўлни ёритириш тизими 120 миллиметрга оширилган. Олд ва орқа «подвеска»лар ўзгаришсиз қолган, руль бошқаруви такомиллаштирилган. Танлов учун пикапнинг иккита модификацияси таклиф этилмоқда: 500 от кучига эга 6,2 литрли бензинда ҳаракатга келадиган Corvette двигатели ёки 300 от кучига эга дизелли мотор. Машиналар нархи мос равишда 140 ҳамда 150 минг долларни ташкил этади.
Тюнерлар асосий эътиборни пикапнинг олд қисмига қаратган бўлиб, оловли-қизил фараларни қўшган. Бу қўрқинчли фильмлардаги махлуқларнинг кўзини ёдга солади. Шунингдек, ҳаво айлантиргичга эга янги капот ҳамда сохта радиатор панжараси ўрнатилган.
Изоҳ (0)