Москвада ЙҲХББ ходимлари спиртли ичимлик таъсирида бўлган ҳайдовчини қўлга олди. Ҳужжатларни текшириш давомида эркак йил бошидан буён 560 маротаба йўл ҳаракати қоидаларини бузгани ва бирор марта жарималарни тўламагани маълум бўлди, деб хабар беради Motor.
ЙПХ инспекторлари Зеленоград кўчасида шубҳали ҳаракатланаётган Mercedes-Benz машинасини тўхтатган. Машина қўшни мамлакатларнинг биридан келган 22 ёшли эркак бошқарувида бўлган. ЙҲХББ ходимларининг сўзларига кўра, эркакнинг ҳужжатларини текшириш давомида у жиддий асабийлашган ва мастлик аломатларини намоён этган. Ҳайдовчи тиббий кўрикдан ўтказилганидан сўнг инспекторлар маъмурий ҳуқуқбузарлик тўғрисида далолатнома тузишга киришган.
Далолатномани расмийлаштириш вақтида ходимлар ҳайдовчи 2020 йилнинг январидан буён 562 маротаба йўл ҳаракати қоидаларини бузганини аниқлаган. Тўланмаган жарималар сабаб ҳайдовчига нисбатан 189 та маъмурий баённома (Маъмурий жазони ижро этишдан бўйин товлаш) расмийлаштирилгани маълум бўлди.
Қўшимча текширув ишларини амалга ошириш учун ҳайдовчи Россия ИИВ бўлимига етказилган. Қонунбузар ҳайдовчининг иши ҳозирда судга оширилган.
Изоҳ (0)