Сирдарё вилояти Янгиер шаҳрида 1 миллиард сўмга яқин бюджет маблағларини талон-тарож қилган шахслар қўлга олинди, деб хабар бермоқда «Дарё»га Бош прокуратура.
Маълум қилинишича, Бош прокуратура ҳузуридаги департаментнинг Янгиер шаҳар бўлими томонидан ўтказилган терговга қадар текширувда «Қишлоқ қурилиш инвест» МЧЖ ИК Сирдарё вилояти филиали ва «С.М.» МЧЖ мансабдор шахслари ўзаро тил бириктириб, Ховос тумани «Ховос маркази» мавзесида 1 та кўп қаватли уй-жойнинг қурилганлиги ҳақидаги ҳужжатларга ҳақиқатда бажарилмаган 947 миллион сўмлик қурилиш-таъмирлаш ишларини қўшиб ёзиш орқали бюджет маблағлари талон-торож қилинганлиги аниқланган.
Мазкур ҳолат юзасидан «Қишлоқ қурилиш инвест» МЧЖ ИК Сирдарё вилояти филиали мансабдор шахслари ва жамият раҳбарига нисбатан Жиноят кодексининг 167-моддаси 3-қисми «а» банди (Жуда кўп миқдорда ўзлаштириш ёки растрата йўли билан талон-торож қилиш) билан жиноят иши қўзғатилиб, тергов ҳаракатлари ўтказилмоқда.
Мавзуга доир:
- Сирдарёда кўп қаватли уйлар қурилишда 1,5 млрд сўм бюджет маблағини талон-торож қилганлар устидан жиноят иши очилди
- Наманганда 216,2 миллион сўм бюджет маблағлари ишсизларга тўланмай талон-торож қилингани маълум бўлди
- Сардобада эвакуация қилинган аҳоли учун мўлжалланган 53 млн сўмлик маҳсулотлар сохта ҳужжат орқали бошқаларга сотилгани маълум бўлди
Изоҳ (0)