Олий Мажлис палаталари Кенгашининг қарори билан Ўзбекистон Республикаси Олий Мажлиси ҳузуридаги Қонунчилик муаммолари ва парламент тадқиқотлари институтининг директори лавозимига Отахонов Фозилжон Ҳайдарович тайинланди, деб хабар бермоқда парламент ахборот хизмати.
Хабарда айтилишича, Фозилжон Отахонов ҳуқуқшунослик соҳасидаги етук олим, узоқ йиллар давомида суд, адлия органларида раҳбар лавозимларда ишлаган таниқли ҳуқуқшунос ҳисобланади.
Маълумот учун, институт 2017—2021 йилларда Ўзбекистонни ривожлантиришнинг бешта устувор йўналиши бўйича Ҳаракатлар стратегиясида белгиланган вазифаларни бажариш, Олий Мажлис палаталари, Қонунчилик палатаси депутатлари ва Сенат аъзолари фаолиятини илмий, ахборот-таҳлилий жиҳатдан таъминлаш, уларнинг фаолият самарадорлигини ошириш, парламентнинг қонун ижодкорлиги ишлари сифатини тубдан яхшилаш мақсадида Ўзбекистон Олий Мажлиси Қонунчилик палатасининг Кенгаши ва Ўзбекистон Олий Мажлиси Сенати Кенгашининг қўшма қарори асосида 2017 йил 29 декабрь куни ташкил этилган.
Таъкидланишича, ўтган даврда институт томонидан юздан ортиқ қонун лойиҳасини ишлаб чиқиш юзасидан аниқ таклифлар киритилди, Олий Мажлис палаталарининг 12 та қарори лойиҳаси, 50 дан ортиқ қонуности норматив-ҳуқуқий ҳужжат лойиҳалари тайёрланиши баробарида парламент фаолияти учун ўта муҳим бўлган мавзуларга оид 300 дан зиёд ахборот-таҳлилий маълумот ҳамда қонун лойиҳалари юзасидан хорижий тажрибага асосланган илмий-ҳуқуқий хулосалар тақдим этилди.
Институтнинг аввалги директори Раҳимжон Ҳакимов 2019 йилда Тошкент давлат юридик университетига ректор этиб тайинланган эди.
Мавзуга доир:
- Бош вазир ўринбосари ва Sulton Tex Group ўртасидаги можарони кўриб чиқаётган суд мажлисида депутат Расул Кушербаев ҳам иштирок этди
- Ўзбекистон Монополияга қарши курашиш қўмитасининг қарорлари юзасидан фақатгина Олий судга шикоят қилиш мумкин бўлади
- Сенат қийноқлар бўйича Бош прокуратура, Ички ишлар вазирлиги, Давлат хавфсизлик хизматига парламент сўрови юборади
Изоҳ (0)