Sirdaryo viloyati Yangiyer shahrida 1 milliard so‘mga yaqin budjet mablag‘larini talon-taroj qilgan shaxslar qo‘lga olindi, deb xabar bermoqda “Daryo”ga Bosh prokuratura.
Ma’lum qilinishicha, Bosh prokuratura huzuridagi departamentning Yangiyer shahar bo‘limi tomonidan o‘tkazilgan tergovga qadar tekshiruvda “Qishloq qurilish invest” MChJ IK Sirdaryo viloyati filiali va “S.M.” MChJ mansabdor shaxslari o‘zaro til biriktirib, Xovos tumani “Xovos markazi” mavzesida 1 ta ko‘p qavatli uy-joyning qurilganligi haqidagi hujjatlarga haqiqatda bajarilmagan 947 million so‘mlik qurilish-ta’mirlash ishlarini qo‘shib yozish orqali budjet mablag‘lari talon-toroj qilinganligi aniqlangan.
Mazkur holat yuzasidan “Qishloq qurilish invest” MChJ IK Sirdaryo viloyati filiali mansabdor shaxslari va jamiyat rahbariga nisbatan Jinoyat kodeksining 167-moddasi 3-qismi “a” bandi (Juda ko‘p miqdorda o‘zlashtirish yoki rastrata yo‘li bilan talon-toroj qilish) bilan jinoyat ishi qo‘zg‘atilib, tergov harakatlari o‘tkazilmoqda.
Mavzuga doir:
- Sirdaryoda ko‘p qavatli uylar qurilishda 1,5 mlrd so‘m budjet mablag‘ini talon-toroj qilganlar ustidan jinoyat ishi ochildi
- Namanganda 216,2 million so‘m budjet mablag‘lari ishsizlarga to‘lanmay talon-toroj qilingani ma’lum bo‘ldi
- Sardobada evakuatsiya qilingan aholi uchun mo‘ljallangan 53 mln so‘mlik mahsulotlar soxta hujjat orqali boshqalarga sotilgani ma’lum bo‘ldi
Izoh (0)