«Тоттенҳэм» клуби собиқ ҳужумчиси Эммануэль Адебайор лондонликларнинг айни дамдаги бош мураббийи Жозе Моуриньо ҳақидаги фикрлари билан ўртоқлашди.
«Мен Моуриньони яхши кўраман, бизнинг ўртамиздаги муносабат ажойиб эди. Айнан у мени «Реал»га олиб келган, гарчи бу клуб аъзоси бўлиш жуда қийин бўлса ҳам.
Фаолиятим мобайнида ютиб олган ягона совриним у билан Мадридда содир бўлганди (Испания Кубоги—2010/11 — изоҳ «Дарё»). Энди у «Тоттенҳэм»ни бошқармоқда ва унга омад тилайман.
Жозе футбол тарихидаги энг яхши мураббий», — дейди Адебайор.
Тоголик ҳужумчи 2010/11 йилги мавсумда «Реал»да Моуриньо қўл остида ўйнаган. Ҳозирда Адебайор Парагвайнинг «Олимпия» жамоасида тўп суради.
Эслатиб ўтамиз, аввалроқ Адебайор «Реал» Криштиану Роналдуни сотиб катта йўқотишга учраганини ва бундай футболчилар 200 йилда бир дунёга келишини айтиб ўтганди.
«Реал»нинг «Эль-Класико»ларда «Барселона» дарвозасига урган қойилмақом 10 та голи (видео)
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)