“Tottenhem” klubi sobiq hujumchisi Emmanuel Adebayor londonliklarning ayni damdagi bosh murabbiyi Joze Mourinyo haqidagi fikrlari bilan o‘rtoqlashdi.
“Men Mourinyoni yaxshi ko‘raman, bizning o‘rtamizdagi munosabat ajoyib edi. Aynan u meni “Real”ga olib kelgan, garchi bu klub a’zosi bo‘lish juda qiyin bo‘lsa ham.
Faoliyatim mobaynida yutib olgan yagona sovrinim u bilan Madridda sodir bo‘lgandi (Ispaniya Kubogi—2010/11 — izoh “Daryo”). Endi u “Tottenhem”ni boshqarmoqda va unga omad tilayman.
Joze futbol tarixidagi eng yaxshi murabbiy”, — deydi Adebayor.
Togolik hujumchi 2010/11-yilgi mavsumda “Real”da Mourinyo qo‘l ostida o‘ynagan. Hozirda Adebayor Paragvayning “Olimpiya” jamoasida to‘p suradi.
Eslatib o‘tamiz, avvalroq Adebayor “Real” Krishtianu Ronalduni sotib katta yo‘qotishga uchraganini va bunday futbolchilar 200 yilda bir dunyoga kelishini aytib o‘tgandi.
“Real”ning “El-Klasiko”larda “Barselona” darvozasiga urgan qoyilmaqom 10 ta goli (video)
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)