Косово бош вазири Авдула Хоти COVID-19 билан касаллангани ҳақида Facebook’да ёзиб қолдирди, дея хабар беради «РБК».
«Бугун мен коронавирус тестидан ўтдим ва натижа мусбат бўлди», — деб ёзди Хоти.
Бош вазирнинг сўзларига кўра, унда енгил йўталишдан бошқа аломатлар йўқ.
«Бундан буён мен икки ҳафта давомида ўзимни изоляция қиламан», — деб ёзган Хоти ўз вазифасини уйдан бажаришини маълум қилиб.Жонс Ҳопкинс университетининг маълумотларга кўра, Косовода коронавирус билан жами 8799 нафар одам касалланган. Беморларнинг 249 нафари вафот этган.
Аввал Арманистон бош вазири Никол Пашинянда, Қозоғистон соғлиқни сақлаш вазири Елжан Биртановда, Бразилия президенти Жаир Болсонаруда, Қирғизистон соғлиқни сақлаш вазири Собиржон Абдикаримовда пневмония, унинг ўринбосари Нурбўлот Усенбаевада эса коронавирус аниқлангани ҳақида хабар берилган эди.
Шунингдек, коронавирусга чалинган Қорақалпоғистон Жўқорғи Кенгеси раиси Муса Ерниязов вафот этгани хабар қилинганди.
Изоҳ (0)