Қозоғистон соғлиқни сақлаш вазири ўринбосари Олжас Абишев ҳибсга олинди, деб хабар беради Tengrinews.
«Қозоғистон Молиявий мониторинг қўмитаси Иқтисодий жиноятлар хизмати ходимлари томонидан соғлиқни сақлаш вазири ўринбосари Олжас Абишев бюджет маблағларини талон-тарож қилганликда гумонланиб қўлга олинганини тасдиқлайди», — дейилади хабарда.
Ҳозирда ҳолат юзасидан тергов ҳаракатлари олиб борилмоқда.
Олжас Абишев 2018 йилда Қозоғистон соғлиқни сақлаш вазири ўринбосари этиб тайинланган. У рақамлаштириш ва ахборот хавфсизлиги масалаларига масъул бўлган.
Эслатиб ўтамиз, июнь охирларида Қозоғистон соғлиқни сақлаш вазири Елжан Биртанов эгаллаб турган лавозимидан озод қилиниб, унинг ўрнига вазирнинг биринчи ўринбосари сифатида ишлаб келган Алексей Сой тайинланган эди.
Изоҳ (0)