Kosovo bosh vaziri Avdula Xoti COVID-19 bilan kasallangani haqida Facebook’da yozib qoldirdi, deya xabar beradi “RBK”.
“Bugun men koronavirus testidan o‘tdim va natija musbat bo‘ldi”, — deb yozdi Xoti.
Bosh vazirning so‘zlariga ko‘ra, unda yengil yo‘talishdan boshqa alomatlar yo‘q.
“Bundan buyon men ikki hafta davomida o‘zimni izolyatsiya qilaman”, — deb yozgan Xoti o‘z vazifasini uydan bajarishini ma’lum qilib.Jons Hopkins universitetining ma’lumotlarga ko‘ra, Kosovoda koronavirus bilan jami 8799 nafar odam kasallangan. Bemorlarning 249 nafari vafot etgan.
Avval Armaniston bosh vaziri Nikol Pashinyanda, Qozog‘iston sog‘liqni saqlash vaziri Yeljan Birtanovda, Braziliya prezidenti Jair Bolsonaruda, Qirg‘iziston sog‘liqni saqlash vaziri Sobirjon Abdikarimovda pnevmoniya, uning o‘rinbosari Nurbo‘lot Usenbayevada esa koronavirus aniqlangani haqida xabar berilgan edi.
Shuningdek, koronavirusga chalingan Qoraqalpog‘iston Jo‘qorg‘i Kengesi raisi Musa Yerniyazov vafot etgani xabar qilingandi.
Izoh (0)