Ўзбекистонда 2020 йил 31 июль соат 23:20 ҳолатига кўра кун давомида жами 784 нафар бемор коронавирус инфекциясидан тузалди, деб хабар бермоқда Соғлиқни сақлаш вазирлиги.
Хабарда қайд этилишича, тузалганларнинг
- 467 нафари Тошкент шаҳрида;
- 184 нафари Тошкент вилоятида;
- 41 нафари Андижон вилоятида;
- 32 нафари Қашқадарё вилоятида;
- 22 нафари Хоразм вилоятида;
- 21 нафари Сирдарё вилоятида;
- 13 нафари Наманган вилоятида;
- 4 нафари Фарғона вилоятида касалликдан фориғ бўлган.
Ўзбекистонда жами 14 464 нафар коронавирус инфекциясига чалинган фуқаролар касалликдан тузалган ва соғайиш кўрсаткичи 60 фоизни ташкил қилмоқда.
Соғлиқни сақлаш вазирлиги юритаётган статистикага кўра коронавирус асоратлари оқибатида 141 нафар бемор вафот этган. «Дарё» ҳисоби бўйича коронавирусга чалингач, вафот этганлар сони 148 нафарни ташкил этмоқда.
Давлат хизматлари агентлиги 15 июль куни Навоий вилоятидаги 61 ёшли ходими Адҳамжон Деҳқонов, Маданият вазирлиги эса 18 июль куни 32 ёшли ходими Акмал Ирисов коронавирус асоратларидан вафот этгани, Олмалиқ шаҳри ҳокимлиги 9 ва 15 июль кунлари шаҳар шифохоналарида вафот этган икки аёлда коронавирус тасдиқлангани ҳақида хабар берган. Шунингдек, 22 июлда Бош прокурорнинг собиқ ўринбосари, Қорақалпоғистон прокуратурасида бўлим бошлиғи бўлиб ишлаётган 66 ёшли Ҳакимбай Халимов, Чилонзор тумани Санитария-эпидемиологик осойишталик маркази бактериология лабораторияси мудири 62 ёшли Марҳабо Аҳмедова коронавирус асоратларидан вафот этгани хабар қилинган.
Шунингдек, 31 июль куни Қорақалпоғистон Жўқорғи Кенгеси раиси, Олий Мажлис Сенати раиси ўринбосари Муса Ерниязов 72 ёшида Нукусда вафот этди. Ўзбекистон Соғлиқни сақлаш вазирлиги (ССВ) 18 июль куни Қорақалпоғистон Республикаси Жўқорғи Кенгеси раиси Муса Ерниязов коронавирусга чалингани ҳақида хабар берган эди.
Бироқ ушбу етти ўлим ҳақида ССВ томонидан айни вақтгача ахборот берилмаган.
Изоҳ (0)