O‘zbekistonda 2020-yil 30-iyul soat 23:30 holatiga ko‘ra turli hududlarda jami 743 nafar koronavirus infeksiyasiga chalingan bemor kasallikdan sog‘aydi. Bu haqda Sog‘liqni saqlash vazirligi xabar berdi.

Xabarga ko‘ra ularning

  • 441 nafari Toshkent shahridagi 17 ta shifoxonada;
  • 152 nafari Toshkent viloyatida;
  • 48 nafari Sirdaryo viloyatida;
  • 33 nafari Andijon viloyatida;
  • 16 nafari Surxondaryo viloyatida;
  • 15 nafari Qashqadaryo viloyatida;
  • 13 nafari Farg‘ona viloyatida;
  • 13 nafari Namangan viloyatida;
  • 6 nafari Buxoro viloyatida;
  • 6 nafari Qoraqalpog‘iston Respublikasida kasallikdan forig‘ bo‘lgan.

Sog‘ayganlar ko‘rsatkichi bo‘yicha so‘nggi rekord natija kecha, 29-iyul kuni, qayd etilgan va shu kuni jami 672 nafar bemor tuzalgandi.

O‘zbekistonda COVID-19 koronavirus infeksiyasidan tuzalganlar soni 13 680 nafarni (59 foiz) tashkil qilmoqda, deyiladi SSV xabarida.

Epidemiya boshlanganidan beri O‘zbekistonda SSV statistikasi bo‘yicha 136 nafar bemor koronavirus infeksiyasi asoratlari oqibatida vafot etgan“Daryo” hisobi bo‘yicha koronavirus asoratlari oqibatida vafot etganlar soni 142 nafarni tashkil etmoqda.