Швециялик UFC жангчиси Ҳамзат Чимаев промоушен президенти Дэйна Уайтдан кучлироқ рақиб топиб беришини сўради.
«Зерикяпман. Илтимос, Дэйна менга бир кечанинг ўзида Нейт Диас, Масвидал ва Конорни бер. Уларнинг ҳаммасини ер тишлата оламан. Мен қўрслик қилмаяпман, шунчаки бунга ишончим комил.
Бироқ улар мен билан жанг қилишни истамайдиган бўлса, буни ҳам тушунаман», — дея ёзади Чимаев.
Эслатиб ўтамиз, Чимаев 16 июль куни UFC on ESPN 13 мусобақасида промоушендаги дебютини ўтказди. Унда швециялик спортчи Жон Филлипсни оғритиш усули билан таслим этди. Шунингдек, UFC Fight Island 3 мусобақасида Ҳамзат Рис Маккини 3 дақиқа ичида нокаутга учратди. Шу тариқа Чимаев 10 кун ичида иккита жанг ўтказган UFC тарихидаги илк жангчига айланди.
Ҳамзат Чимаевнинг UFC’даги илк жангларини томоша қилинг (видео)
Чеченистонда туғилган Ҳамзат Чимаев 2011 йилда Швециядан сиёсий бошпана сўраб, юртини тарк этган. Отасидан ташқари барча оила аъзолари 2019 йилда Швецияга кўчиб кетган. Спортчининг ўзи эса халқаро мусобақаларда Швеция номидан иштирок этади.
Изоҳ (0)