Германия терма жамоасининг собиқ футболчиси Михаэль Баллак оғир молиявий аҳволга тушиб қолган қадрдон клуби «Кемницер»га ёрдам беришга қарор қилди. Бу ҳақда клуб матбуот хизмати хабар берди.
«Кемницер» Германиянинг тўртинчи дивизионига тушиб кетиб, банкрот бўлиш арафасида турибди. Бундан хабар топган Баллак ўзининг 40 га яқин «Бавария», «Челси», «Байер» ва Германияда терма жамоасидаги асл формаларини кимошди савдосига қўйди. Ҳар бир футболканинг бошланғич нархи икки юз евродан бошланади. Аукциондан тушган барча пуллар клуб ҳисобига йўналтирилади.
Аввалига клубга 450 минг евро зарурлиги айтилганди. Бироқ кейинчалик клубдагилар 300 минг евро йиғилганлигини эълон қилди.
Маълумот учун, Баллак 12 ёшида «Кемницер» клуби тизимига келган. 1995 йилда эса клуб сафида профессионал футболдаги дебютини ўтказган ва икки йил (1997 йилгача) давомида жамоа шарафини ҳимоя қилган.
Михаэль Баллакнинг «Челси» сафидаги топ-5 голни томоша қилинг (видео)
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)