Футбол бўйича уч карра Жаҳон чемпиони бразилиялик Пеле «Ювентус» ва Криштиану Роналдуни А Сериядаги чемпионлик билан табриклади.
«Криштиану — муваффақият ҳар доим ўз ишига содиқ ва уни севадиганларга насиб этишини намойиш қиладиган замонавий спортчи. Шунингдек, ажойиб ўйинчилар — Дуглас Коста, Алекс Сандро ва Данило Луисни ҳам таъкидлаб ўтган бўлардим. «Ювентус»ни Италия чемпионатидаги ғалабаси билан табриклайман», — дейди Пеле.
«Ювентус» кетма-кет тўққизинчи марта (2011/2012, 2012/2013, 2013/2014, 2014/2015, 2015/2016, 2016/2017, 2017/2018, 2018/2019, 2019/2020 йилларда) Италия чемпионлигини қўлга киритди. Умумий ҳисобда бу «кекса синьора»нинг мамлакат чемпионатидаги 36-ғалабаси бўлди.
Маълумот ўрнида, «Ювентус» Роналдуни 2018 йилнинг ёзида 117 миллион евро эвазига ўз сафига қўшиб олган. Бу мавсумда 35 ёшли португалиялик ҳужумчи А Сериянинг 32 учрашувида майдонга тушиб, 31 та гол урди ва 6 та голли узатмани амалга оширди. Унинг Турин клуби билан шартномаси 2022 йилнинг ёзигача мўлжалланган.
Роналдунинг «Ювентус» сафидаги энг сара голлар ва финтларини томоша қилинг (видео)
Мавзуга доир:
Изоҳ (0)