«Барселона» ҳужумчиси Лионель Месси Ла Лига 2019/20 йилги мавсумида муваффақиятли алдаб ўтишлар сони бўйича тенгсиз деб топилди.
Marca хабарига кўра, аргентиналик форвард мавсум давомида 182 та муваффақиятли дриблингни амалга оширган. Ушбу кўрсаткич бўйича иккинчи ўринни 98 та муваффақиятли алдаб ўтиш билан «Бетис» ярим ҳимоячиси Набиль Фекир эгаллади.«Вильярреал» ўйинчиси Андре Замбо-Ангисс (86) эса кучли учликка якун ясаб берди.
Қайд этиш ўринли, Месси сўнгги 10 йил ичида 6 бор Ла Лигада мазкур кўрсаткич бўйича энг яхшиси бўлган. 2010/2011 йилги мавсумда аргентиналик рақибларини 186 маротаба алдаб ўтган. Охирги 12 йил ичида бирон бир футболчи бундай кўрсаткичга яқинлаша олмаган.
Мухлислар талқинига кўра, Лионель Мессининг топ-10 голи (видео)
2019/20 йилги мавсум якунларига кўра, «Барселона» 82 очко билан Ла Лигада 2-ўринни эгаллади. «Реал» эса каталон клубини 5 очкога ортда қолдириб мусобақа ғолиблигини қўлга киритди.
Мавзуга доир:
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)