«Манчестер Сити» ярим ҳимоячиси Кевин де Брюйне Англия Премьер Лигасининг бир мавсумида голли узатмаларни амалга ошириш бўйича мусобақа рекордини такрорлади.
2019/2020 йилги мавсумда бельгиялик футболчи 35 ўйинда 20 та голли узатмани амалга оширди. 2002/2003-чемпионатда «Арсенал» собиқ ҳужумчиси Тьерри Анри 37 та учрашувда худди шунча голга ассистентлик қилганди.
Тьерри Анрининг АПЛдаги топ-10 голини томоша қилинг (видео)
Ушбу кўрсаткич бўйича икки ўринни «Ливерпуль» ҳимоячиси Трент Александер-Арнольд эгаллади (14). Кучли учликка эса «Тоттенҳэм» ҳужумкор ярим ҳимоячиси Сон Ҳён Мин якун ясаб берди (12).
Англия Премьер Лигасининг 2019/2020 йилги мавсумидаги энг яхши тўпурар номи «Лестер» ҳужумчиси Жейми Вардига насиб этди. 33 ёшли ҳужумчи мавсумнинг 35 ўйинида 23 та гол урди. Иккинчи ўриндан 36 та ўйинда 22 та гол билан «Арсенал» ҳужумчиси Пьер-Эмерик Обамеянг жой олган бўлса, кучли учликни «Саутҳэмптон» ҳужумчиси Дэнни Ингс якунлаб берди. У 38 та ўйинда 22 бор рақиблар дарвозасини ишғол этган.
Шунингдек, «Манчестер Сити» дарвозабони Эдерсон мавсумда энг кўп «қуруқ» ўйин ўтказиб (16 та), «Олтин қўлқоп»ни қўлга киритди.
Мавзуга доир:
Изоҳ (0)