ПСЖ ҳужумчиси Килиан Мбаппе Франция Кубоги финалидан кейинги тақдирлаш маросимида мамлакат президенти Эммануэль Макронга жароҳати ҳақида гапириб берди.
Тақдирлаш маросими пайтида Макрон Мбаппенинг соғлиғи билан қизиқди:
Макрон: «Соғлиғинг яхшими?»
Мбаппе: «Бир оз лат еди».
Макрон: «Синди деб ўйлайсанми?»
Мбаппе: «Йўқ, бундай деб ўйламайман».
Макрон: «Касалхонага борасанми?»
Мбаппе: «Ҳа, тақдирлаш маросимидан кейин дарҳол у ерга бораман».
Учрашувнинг 27-дақиқасида «Сент-Этьенн» ҳимоячиси Лоик Перрин Мбаппега нисбатан қўполлик ишлатди. Шундан сўнг унга сариқ карточка кўрсатилди. Аммо кейинчалик учрашув бош ҳаками VAR’дан фойдаланди ва Перринни майдондан четлатишга қарор қилди. Тўқнашувдан кейин Мбаппе ўйинни давом эттира олмаслиги маълум бўлди ва унинг ўрнига испаниялик ярим ҳимоячи Пабло Сарабия майдонга туширилди.
Учрашув 1:0 ҳисобида парижликлар фойдасига ҳал бўлди. Шу тариқа ПСЖ ўз тарихида тўртинчи бор олтин дублга эришди.
Килиан Мбаппенинг 2019/20 йилги мавсум Лига 1 да урган барча голини томоша қилинг (видео)
Изоҳ (0)