Наманганнинг «Навбаҳор» футбол клубининг бир нафар футболчиси топширган тест натижаси мусбат кўрсаткич қайд этди. Бу ҳақда Профессионал футбол лигаси (ПФЛ) хабар бермоқда.
Таъкидланишича, ҳозирда ушбу футболчи жамоадан ажратилиб, қатъий ўз-ўзини яккалаш ҳолатига олинган.
Шу боис клубнинг бошқа футболчи, ходимлари ҳам COVID-19’га яна бир бор тест топширгани ва айни дамда улар тест жавобларини кутаётгани айтилмоқда.
Эслатиб ўтамиз, аввалроқ «Бухоро»нинг саккиз нафар, «Пахтакор»нинг беш нафар, «Сурхон»нинг икки ва «Бунёдкор»нинг бир нафар ўйинчиси коронавирусга чалингани тўғрисида хабар берилганди. Шунингдек, Про-Лигада қатнашадиган Самарқанднинг «Динамо» клубининг уч нафар футболчисида коронавирус инфекцияси борлиги гумон қилиниб, 15 июль куни «Хоразм»га қарши ўтказилиши керак бўлган беллашув ҳам бекор қилинганди.
Изоҳ (0)