ПСЖ Франция Кубоги финалида «Сент-Этьенн»ни 1:0 ҳисобида мағлуб этиб, мусобақа бош совринига эга чиқди. Учрашувдаги ягона голга Неймар муаллифлик қилди.
Шу тариқа 2019/2020 йилги мавсумда парижликлар олтин дубль қайд этди. Апрель ойи охирларида ПСЖ коронавирус пандемияси туфайли муддатдан олдин якунланган Франция чемпионатида ҳам ғолиб бўлганди.
Бу ПСЖ учун ўз тарихидаги тўртинчи олтин дубль бўлди. Бунгача клуб 2015, 2016 ва 2018 йилларда Франция чемпионати ва мамлакат Кубогида ғолиб чиққан. Париж клуби ушбу кўрсаткич бўйича «Сент-Этьенн» томонидан (1968, 1970, 1974, 1975 йилларда) ўрнатилган рекордни такрорлади.
Франция чемпионатининг 2020/2021-мавсуми 2020 йил 22 августда бошланиши ва 2021 йил 23 майда якунланиши режалаштирилмоқда.
Килиан Мбаппенинг 2019/20 йилги мавсум Лига 1 да урган барча голини томоша қилинг (видео)
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)