Андижон вилояти Шаҳрихон туманида кам таъминланган оилаларга ажратилган 82,2 миллион сўм бюджет маблағлари талон-торож қилингани аниқланди. Бу ҳақда «Дарё»га Бош прокуратура томонидан маълум қилинди.
Мазкур ҳолат Бош прокуратура ҳузуридаги Иқтисодий жиноятларга қарши кураш департаментининг Шаҳрихон туман бўлими томонидан вилоят Давлат молиявий назорат бошқармаси билан ҳамкорликда ўтказилган терговга қадар текширувда аниқланган.
Маълум бўлишича, тумандаги «Яккатут» МФЙ мансабдор шахслари кам таъминланган оилалар тоифасига кирмайдиган 51 нафар фуқарога асоссиз равишда моддий ёрдам пулларини тўлаб берган. Оқибатида 82,2 миллион сўм бюджет маблағлари талон-торож қилинган.
Мазкур ҳолат юзасидан МФЙ мансабдор шахсларига нисбатан Жиноят кодексининг 167-моддаси 2-қисми «а», «в», «г» бандлари (Ўзлаштириш ёли растрата йўли билан талон-торож қилиш) ва 209-моддаси 1-қисми (Мансаб сохтакорлиги) билан жиноят иши қўзғатилиб, тергов ҳаракатлари ўтказилмоқда.
Аввалроқ Тошкент шаҳрида муҳтож оилалар учун йиғилган маблағларнинг 95 миллион сўмдан ортиғи мансабдорлар томонидан талон-торож қилингани аниқланганди.
Мавзуга доир:
- Қашқадарё СЭОМ мутасаддилари деярли 918 млн сўм бюджет маблағларини талон-торож қилгани маълум бўлди
- Инқирозга қарши кураш жамғармасининг 500 млн сўмдан ортиқ маблағини ўзлаштиргани Навоий СЭОМ бош шифокори ва омбор мудири қамоққа олинди
- Наманганда 250 млн сўм маблағни талон-торож қилган шифокорларга жиноят иши қўзғатилди
- Хўжайлидаги Санитария-эпидемиология осойишталик марказини таъмирлаш жараёнида 189 млн сўм талон-торож қилингани аниқланди
Изоҳ (0)