Andijon viloyati Shahrixon tumanida kam ta’minlangan oilalarga ajratilgan 82,2 million so‘m budjet mablag‘lari talon-toroj qilingani aniqlandi. Bu haqda “Daryo”ga Bosh prokuratura tomonidan ma’lum qilindi.
Mazkur holat Bosh prokuratura huzuridagi Iqtisodiy jinoyatlarga qarshi kurash departamentining Shahrixon tuman bo‘limi tomonidan viloyat Davlat moliyaviy nazorat boshqarmasi bilan hamkorlikda o‘tkazilgan tergovga qadar tekshiruvda aniqlangan.
Ma’lum bo‘lishicha, tumandagi “Yakkatut” MFY mansabdor shaxslari kam ta’minlangan oilalar toifasiga kirmaydigan 51 nafar fuqaroga asossiz ravishda moddiy yordam pullarini to‘lab bergan. Oqibatida 82,2 million so‘m budjet mablag‘lari talon-toroj qilingan.
Mazkur holat yuzasidan MFY mansabdor shaxslariga nisbatan Jinoyat kodeksining 167-moddasi 2-qismi “a”, “v”, “g” bandlari (O‘zlashtirish yoli rastrata yo‘li bilan talon-toroj qilish) va 209-moddasi 1-qismi (Mansab soxtakorligi) bilan jinoyat ishi qo‘zg‘atilib, tergov harakatlari o‘tkazilmoqda.
Avvalroq Toshkent shahrida muhtoj oilalar uchun yig‘ilgan mablag‘larning 95 million so‘mdan ortig‘i mansabdorlar tomonidan talon-toroj qilingani aniqlangandi.
Mavzuga doir:
- Qashqadaryo SEOM mutasaddilari deyarli 918 mln so‘m budjet mablag‘larini talon-toroj qilgani ma’lum bo‘ldi
- Inqirozga qarshi kurash jamg‘armasining 500 mln so‘mdan ortiq mablag‘ini o‘zlashtirgani Navoiy SEOM bosh shifokori va ombor mudiri qamoqqa olindi
- Namanganda 250 mln so‘m mablag‘ni talon-toroj qilgan shifokorlarga jinoyat ishi qo‘zg‘atildi
- Xo‘jaylidagi Sanitariya-epidemiologiya osoyishtalik markazini ta’mirlash jarayonida 189 mln so‘m talon-toroj qilingani aniqlandi
Izoh (0)