Исроилда 20 июлдан бошлаб иш ҳақи оширилишини талаб қилган тиббиёт ҳамшираларининг иш ташлаши бошланди. Бу ҳақда The Jerusalem Post хабар берди.
Маълум бўлишича, якшанба куни мамлакат Молия вазирлиги билан ҳамширалар ойлигини ошириш юзасидан ўтказилган музокаралар муваффақиятсиз якунланган. Шу сабабли душанбадан бошлаш иш ташлаш эълон қилинган.
Бу вақтда касалхоналарда иш якшанба кунги тартибда давом этган. Фақат коронавирус ҳамда саратон касаллиги бўлимлари, шунингдек, беморларга тезкор ёрдам берувчи навбатчи ҳамширалар одатий тартибда ишлашда давом этган.
Хабарда айтилишича, аксарият ҳамширалар сўнгги ойларда коронавирус юқтирган беморлар даволанаётган юқумли касалликлар шифохоналарига юборилаётганидан норози. Шунингдек, уларнинг кўпчилиги карантинда бўлгани учун қолганлар икки баравар юклама билан ишламоқда.
Ушбу воқеа сабабли айрим режалаштирилган операциялар бекор қилинади, таҳлилни қабул қилиш ҳажми камайтирилиб, вакцинация қилинадиган клиникалар ёпилади.
Иш ташлашда иштирок этгаётганларнинг асосий талаби соғлиқни сақлаш тизимидаги кичик ва ўрта ҳамшираларнинг ойликларини оширишдир.
Сўнгги маълумотларга кўра, Исроилда коронавирусга чалинганлар сони 50 минг нафардан ошган, шундан 21 мингдан ортиғи соғайган, 400 нафардан ортиқ бермор COVID-19 қурбонига айланган.
Изоҳ (0)