Бугун,

  • USD 11095.31
  • RUB 173.84
  • EUR 10772.44

Тошкентнинг Юнусобод туманидан ўтувчи Аҳмад Дониш кўчасида йўл-қурилиш ишлари бошланди. Бу ҳақда пойтахт ҳокимлиги матбуот хизмати хабар берди.

Фото: Тошкент шаҳар ҳокимлиги матбуот хизмати

Фото: Тошкент шаҳар ҳокимлиги матбуот хизмати

Маълум қилинишича, узунлиги 2,2 километрни ташкил этадиган йўл оралиғида пиёдалар йўлаги, велойўлаклар, яшил ҳудуд ва шунга ўхшаш яна бир қатор лойиҳалар ўрин олган.

«Бу йўл олдинги йўллардан фарқли равишда барча халқаро стандартларга мос йўл бўляпти. Йўл Нурафшон кўчадан келиб чиқиб Катта ҳалқа автомобиль йўлига уланади. Бундан ташқари, маҳаллий йўлларимиз домлар ва маҳаллаларга кириб кетади. Йўл четида дўконларга ва автотураргоҳлар мўлжалланган,

Шунингдек, яшил ҳудудни сақлаб қолдик. Асосий эътиборни чорраҳага қаратдик. Бизда хавфсиз чорраҳа бўлиши керак», — дейди Тошкент шаҳар ҳокими ўринбосари Даврон Хидоятов.

Ҳоким ўринбосарининг таъкидлашича, чорраҳа ўқи бир-биридан фарқ қилади, бу эса қайрилаётган машиналарнинг бошқаларга халақит бермаслигига хизмат қилади.

«Аҳмад Дониш кўпригидан тушилганида икки тарафлама йўл бир тарафли бўлмоқда, шу ердаги ҳудуд айланма вазифасини бажаради. Йўллар эни 6 қатор бўляпти. Бундан ташқари, маҳаллий йўлларимиз икки қатордан — 8 ва 26 метр», — дейди Хидоятов.

Таъкидланишича, ҳозирга қадар 94 минг куб ер ишлари олиб борилган, тўлиқ битказиш учун 200 минг куб ер ишлари олиб борилади. Лойиҳага пудратчи сифатида «Ўзавтойўл» давлат қўмитасининг «Трансйўлқурилиш» корхонаси жалб этилган.

Қурилиш ишлари уч босқичда амалга оширилиб, илк жараён сентябрь ойида якунланиши кутилмоқда. Қолган босқичларда эса Амир Темур ва Аҳмад Дониш кўчаларини ўзаро бирлаштирувчи айланма йўл ва янгидан очилиши кутилаётган Юнусота кўчасини таъмирлаш, қурилиш ишлари амалга оширилади.

Юнусобод туманидаги йўлнинг буткул якунланиши ноябрь ойига режалаштирилмоқда.

Аввалроқ 2020—2021 йиллар Тошкент шаҳрини куз-қиш мавсумига тайёрлаш дастури доирасида Аҳмад Дониш кўчасининг Анорзор кўчасига бурилиш учун мўлжалланган қўшимча кўчадан ўтувчи магистрал иссиқлик тармоғини капитал таъмирлаш ишлари бошланаётгани тўғрисида хабар берилганди.

Эслатиб ўтамиз, июнь ойида Тошкент метросининг «Юнусобод» йўлидаги 2 та янги бекат қуриб битказилган эди. Метронинг янги йўналишлари Аҳмад Дониш кўчасидан ўтган. Кўчани таъмирлаш ишлари метро йўналишлари якунланганидан сўнг бошланган.

Изоҳ
Асосий янгиликлар
Маҳаллий
“Тез ёрдам машинаси 5 йилда икки бараварга кўпайди, битта чақирув дориси 640 сўмдан 7,5 минг сўмга ошди”. “Дарё” тиббиётдаги ўзгаришларни Наманган вилояти мисолида...
Спорт
Бундеслига. “Боруссия Д” ўз майдонида рақибини тор-мор этди 
Шоу-бизнес
Instagram: Аэропортда дабдаба билан кутиб олинган Liil Хуррамов, қўшиқ куйлаган Абдуҳошим Исмоилов, янги раққосаларни кашф этаётган Юлдуз Усмонова