Ёз кунларида кўпчилик севиб истеъмол қиладиган жўхорини буткул фойдали ёки зарарли маҳсулотлар қаторига киритиб бўлмайди. Антиоксидантларга бойлиги билан аҳамиятли аммо, крахмал борлиги учун салбий таъсир кўрсатадиган ушбу маҳсулот ҳақида маълумотга эга бўлиш фойдадан ҳоли эмас.
Фойдали хусусиятлари
Жўхори организм ҳужайраларининг ҳимоя қилиш, зарарланишдан сақлаш хусусиятига эга антиоксидант — каротиноиднинг манбаси ҳисобланади. Каротиноид кўз саломатлигини сақлаш, катаракта касаллиги хавфини олдини олиш хусусиятига эга. Шунингдек ушбу маҳсулот, яллиғланиш ҳамда эрта қаришга қарши самарали восита ҳисобланади. Жўхори таркибидаги фаол моддалар, ҳазм жараёнини яхшилайди, ошқозон-ичак саломатлигида аҳамиятли ҳисобланади.
Нима учун жўхорини кўп истеъмол қилиш тавсия қилинмайди?
Жўхори крахмалли сабзавотлар қаторига киргани боис ҳам уни истеъмол қилиб вазн ташлашга умид қилиш керак эмас. Крахмал — полисахарид ҳазм жараёнида, саломатликда муаммолар кузатилиши ва вазн тўпланишига сабабчи бўлувчи глюкозага айланади. Бундан ташқари, жўхорида витамин ва минералларни организмга сингишига қаршилик қиладиган антинутриeнтлар бўлади. Жўхори доначалари магний, рух ва марганецга бой бўлади, лекин таъкидланган фитина кислотаси (антинутриeнт) сабаб организмга деярли сўрилмайди.
Жўхоридан буткул воз кечиш эмас, узоқ вақт оралиғида кам миқдордан истеъмол қилиш тавсия қилинади.
Изоҳ (0)