Товуқ гўшти ва гуручдан мазали шўрва пиширамиз

Ушбу таом бир зумда тайёрланиши, енгил ҳазм бўлиши билан ўзига хос ҳисобланади.

Керакли маҳсулотлар:

• Товуқ гўшти — 150-200 гр
• Сув —1200 мл
• Туз таъбга кўра
• Пиёз — 1 дона
• Ўсимлик ёғи — 2 ош қошиқ
• Картошка — 3 дона
• Гуруч — 2 қошиқ
• Сабзи — 1 дона
• Кўкатлар таъбга кўра

• Товуқни тузли сувга солиб, 20 дақиқа давомида қайнатиб олинг.
• Гўшт пишганидан кейин олиб, бўлакларга бўлинг.
• Пиёзни ўртача қалинликда тўғранг ва товада қовуриб олинг.
• Картошка ва сабзини «кубик» шаклида тўғраб, ювилган гуруч билан бирга қайнаб турган бульонга солинг.
• Картошка пишганидан кейин товуқ гўштини ва қовурилган пиёзни солинг, кўкат қўшинг.
• Таом ёнига нонни қиздириб, сабзавотлардан енгил салат тайёрлаб дастурхонга тортиш тавсия қилинади.