Tovuq go‘shti va guruchdan mazali sho‘rva pishiramiz

Ushbu taom bir zumda tayyorlanishi, yengil hazm bo‘lishi bilan o‘ziga xos hisoblanadi.

Kerakli mahsulotlar:

• Tovuq go‘shti — 150-200 gr
• Suv —1200 ml
• Tuz ta’bga ko‘ra
• Piyoz — 1 dona
• O‘simlik yog‘i — 2 osh qoshiq
• Kartoshka — 3 dona
• Guruch — 2 qoshiq
• Sabzi — 1 dona
• Ko‘katlar ta’bga ko‘ra

• Tovuqni tuzli suvga solib, 20 daqiqa davomida qaynatib oling.
• Go‘sht pishganidan keyin olib, bo‘laklarga bo‘ling.
• Piyozni o‘rtacha qalinlikda to‘g‘rang va tovada qovurib oling.
• Kartoshka va sabzini “kubik” shaklida to‘g‘rab, yuvilgan guruch bilan birga qaynab turgan bulyonga soling.
• Kartoshka pishganidan keyin tovuq go‘shtini va qovurilgan piyozni soling, ko‘kat qo‘shing.
• Taom yoniga nonni qizdirib, sabzavotlardan yengil salat tayyorlab dasturxonga tortish tavsiya qilinadi.